Paniaraq Rosing Søltoft

 

Inunnik isumaginninnermi siunnersorti

Inuunermik sungiusaasoq Suliffigissaasoq

 

Socialrådgiver

Lifecoach

Businesscoach

“Sunngippallaartutut misigiguit, ajornartumik suliniuteqarit, sulinikkut anersaap alliartortissavaatit ajugaasunngortillutit. Sumiippat piginnaassutsit nuannaartorinartitatit? Illit nammineq ilunniipput atorneqassappulli alliartussagunik.”

- Hans Lynge

 

Anguniakkakka

 

Kalaallit Nunatsinni meeqqat inuusuttuaqqallu inersimasullu pitsaasumik ineriartortuarnissaat.

 

Attaviginnga suleqatiginnissuseqarluarpunga, tulluarsartarpakka suliassakka sullitassannut. Sulisut qimakkukkit nammineq ingerlateqqititsinissat atorluarlugu.

 

 

Pingaarnertut anguniakkakka

Meeqqat inuusuttuaqqallu inuunerminni kiserliornatik, tusarnaarneqaratik inissaqartinneqaratillu misigisimanissaat pakkersimaartinnissaat.

 

Inersimasut akisussaasut nunatsinni ilisimasatik malillugit pitsaanerpaamik sapiissuseqarlutillu sullissinissaat.

 

Socialmedia

 

Facebookimi ujaruk Nammineq Coaching

LinkedIn-mi aamma suliama ilai ersipput

 
 
 

Suliarisarsimasama ilai itisilernagit ilisaritillugit

Namminersortoq 2007 - ullumimut

 

Inuunerup ingerlasarneranut sungiusaasoq suliffigissaasorlu. Tassani inuit ataasiakkaat oqaloqatigisarpakka, oqarasuaatikkut aammalu nuummiippata issiaqatigalugit.

Suleqatigiit ataatsimut arlaatigut aporfeqarsimappata qaangersinnanngisaminnik oqaloqatigisarpakka ataatsimoortillugit, tassanili aqutsisoq pisariaqarpoq uanga suleqatigilluinnaqqinnaarnissaa. Pisariaqartilluguli aatsaat aqutsisoq ilaatinneqarsinnaasarpoq.

Namminersorlutik Oqartussat - Ilaqutariinnermi Aqutsisoqarfiup sullinnera 2013 - 2016

 

Nunatta iluani kommuneni isumaginninnermi sulisoqarfiit tamaasa tikillugit suliffigisaqattaarpakka, misissuiffigalugit sulisullu pisariaqartitaat naapertorlugu ikiorlugit siunnersuinikkut oqaloqatiginninnikkullu. Saqqummiussivigalugit piumappata.

Inunnik isumaginninnermi siunnersorti 2010 - 2013

 

Meeqqanik Inuusuttunillu Siunnersuisarfik - Misi-mi atorfinikkama ingerlaannaq atuarfinni sulinera aallarteqqippara. Tassani meeqqanik atuartunik 6.-10.-klassini oqaloqateqarnissaminnut innersuussat oqaloqatigisalerlugit. Taakkua saniatigut meeqqat inuusuttuaqqallu meeqqerivinniik atuarfinniillu Misi-mut misissugassatut innersuunneqarsimasut sullitarivakka. Aamma angajoqqaat allattugaatiginngikkaluarlugit siunnersorneqarusullutik oqaloqatigineqarsinnaammata tamanna ingerlattarnikuuakka atorfinnut atatillugu.

Atorfimmi tassani Qallunaat Nunaannukarlunga meeqqat inuusuttuaqqanullu oqaloqatiginneriaaseq pikkorissarfigivara.

 

 

Pilersaarusianik sullissisoq 2003 - 2007

 

Nuup Kommune-ngallarmat Pilersaarusiornermi Pinaveersaartitsinermilu allaffimmi ukiut sisamat affarlu atorfeqarninni atuarfinni annertuumik suliaqartarpunga. Tassani sulininni meeqqat inuusuttuaqqallu oqaloqatigisarpaannga saaffigalunga. Itinerusumik oqaloqatigeruttarsimanngilakka pisussaaffeqannginnera peqqutigalugu aamma ileqqorissaarnissara angoruttarakku angajoqqaat akisussaasut akuersiteqqaartinnagit itinerusumik oqaloqatigineq ajorpakka. Angajoqqaalli pikkorissaaffigisarpakka aqqutit periutsit pillugit meeqqat atugarissaarnerulernissaat anguniarlugu. Inuusuttut inuusuttuaqqanut atoqatigiittarneq misigissusilerinerlu pillugit aamma pikkorissartarnikuuakka saqqummiussisinnaanngortillugit oqaloqateqarsinnaanngorlugillu.

 

Inunnik isumaginninermi siunnertitut naammassivunga 2001

 

Ilinniarneq aallarteqqaarpara 1992-mi. Paasigakku ilinniarnerma ingerlanerani inuttut imminut qiviarluaqqaarlunga inuit allat sullissinnaalissallugit, aalajangerpunga inuttut piareernissama tungaanut nunamut perorfinnut uterniarlunga tassanilu imminut nassaariniarlunga suliaq aallartissallugu.

1995-mi imminut naammagisutut paasisaqarnerulaartutullu misigigama aalajangerpunga ilinniarninnut unititsigallarnera aallarteqqinniarlugu. Inuunerulli piumasai aamma imaattarmata ilinniarnera unitseqqikkallarpara ukioq ataaseq qaangiummat. Tassa meerartaarama katillungalu. Taakkualu aamma inernerivaat Qallunaat Nunanni ukioq ataaseq affarlu nunaqarallassasunga. Uterama aatsaat ilinniarnera naammassivara, angusarissaartorsuunngikkaluarlunga tamaasa angusiffigivakka.

Upernavimmi suliffiit assigiinngitsut suliffigivakka 1988 - 1995

 

Qujasarpunga imminut piumaffigalunga suliniartarsimagama, taakkoqanngippat inuit assigiinngissusaat paasisaqarfigingaatsiarsimassanngikkaluarpara.

Prinsesse Margrethep Atuarfiani Upernavimmiittumi atuartuuneq 1978 - 1989

 

Meeqqat atuarfianni atualerpunga 1978-mi børnehave klasseqarallarmat. Tassani alliartorninni piffissaq annertooq atorpara. Tassanilu meeqqat inuusuttuaqqallu naapittarsimasakka pisuullutik inunnik isumaginninnerup iluani sulinissara aalajangiuppara. Immaqa 14-15 missaanik ukioqarlunga suliffissannik aalajangerpunga. Inuusuttuaqqat ajornartorsiutaat tusarnaartarnikooqaakka, oqilisaassiniartarsimavunga aammalu tassani ilikkarpara imminut eqqaamanissara, imminut paarisarnissara inuit allat oqimaatsorsiutaannik ikiuisassaguma.

Attaviginnga

 

Iluarinerpaasat atorlugu attaviginnga. Oqarasuaatikkut, sms-kkut, qarasaasiaq atorlugu allakkatigut, facebook aqqutigaluguluunniit.

Box 251

Copyright @nammineq coaching All Rights Reserved